Ón Stór

Léirítear stair an Mhúsaeim féin agus na músaem a tháinig roimhe ar phainéil ghrafacha sa ghailearaí ‘Ón Stór’ agus ar an siúlán os cionn limistéar fáiltithe an Mhúsaeim.

Bunaíodh é ar dtús mar Chumann Bhaile Átha Cliath (1731) chun riar, déantúsaíocht agus ealaíona úsáideacha eile a spreagadh, ba chuige sin a bailíodh innealra nua-aimseartha talmhaíochta agus tionsclaíochta ar dtús.

Bunaíodh an tAcadamh sa bhliain 1785 chun an ghlaneolaíocht, an stair, seaniarsmaí agus an litríocht a chur chun cinn. Dhírigh Acadamh Ríoga na hÉireann ar sheaniarsmaí Éireannacha a bhailiú, agus tá mórchuid díobh siúd ar taispeáint anois in Ard-Mhúsaem na hÉireann - Seandálaíocht ar Shráid Chill Dara.

Cé gur bunaíodh é in 1845 mar Mhúsaem Geolaíochta Eacnamúla, ba ghearr gur athraigh an chéad stiúrthóir a bhí ar an músaem sin, Sir Robert Kane, aidhm an mhúsaeim le Músaem Tionscalaíochta na hÉireann agus Scoil Eolaíochta an Rialtais a dhéanamh de.

Sa bhliain 1877, rith an rialtas Acht Parlaiminte chun músaem nua a bhunú i mBaile Átha Cliath, ag súil ‘go mbainfeadh muintir na hÉireann lánbhuntáiste as an deis feabhas a chur ar shaothrú na n-ealaíon tionsclaíoch agus maisiúil’.

Ag eascairt as achtú an Agriculture & Technical Instruction (Ireland) Act sa bhliain 1899, d’aistrigh freagracht an mhúsaeim chuig an roinn rialtais céanna sin i mBaile Átha Cliath.

Tharla athruithe ollmhóra polaitiúla in Éirinn sa tréimhse 1914 - 1924. Thacaigh roinnt d’fhoireann an mhúsaeim leo siúd a throid sa Chéad Chogadh Domhanda agus thacaigh daoine eile cosúil leis an Stiúrthóir, an Cunta G.N. Plunkett agus an Coimeádaí Liam S. Ó Gógáin le hÉirí Amach 1916, agus cuireadh sa phríosún iad ina dhiaidh sin.