Ceisteanna Coitianta faoi Throscán Tuaithe na hÉireann

Ceisteanna a chuirtear go coitianta faoi bhailiúchán troscáin agus saothar adhmaid an Mhúsaeim

1. Cad atá i gceist ag Ard-Mhúsaem na hÉireann a bhailiú sa todhchaí?
2. Cé chomh sean is atá na réada i mbailiúchán troscán tuaithe na hÉireann sa Mhúsaem?
3. Cé na háiteanna in Éirinn as a dtagann an troscán?
4. Céard iad na cineálacha adhmaid a d’úsáidtí chun troscán tuaithe na hÉireann a dhéanamh?
5. Cén áit is féidir liom tuilleadh a fháil amach?
6. Cén chaoi a chuir Ard-Mhúsaem na hÉireann a bhailiúchán troscáin le chéile?

Tá an Músaem ag lorg píosaí troscáin a thagann ón 18ú agus ón 19ú hAois luath. Ba mhaith linn troscán ó chúige Mumhan agus ó chúige Chonnacht; troscán laethúil nua-aimseartha ó na 1920idí; agus troscán leanaí a bhailiú freisin.

Ba i dtreo dheireadh an 18ú hAois a bunaíodh an traidisiún tuaithe dúchasach in Éirinn, nuair a tháinig aicme nua feirmeoirí rathúla chun cinn. Níl ach fíorbheagán fós ann ó roimh an tréimhse sin. Tagann formhór an troscáin i mbailiúchán an Mhúsaeim ó idir lár an 19ú hAois agus tús an 20ú hAois.

Tagann an chuid is mó den bhailiúchán ó chúige Mumhan, agus tagann cuid eile de ó chúige Laighean.

Is iondúil gur as péine a dhéantaí troscán tuaithe na hÉireann. Bhí tóir air mar adhmad a bhí saor, seasmhach agus éasca a shaothrú, agus mar sin bhí níos mó fáil ag pobal na tuaithe air. Ba mhinic go bpéinteáiltí troscán péine; phéinteáiltí cuid acu suas le dhá uair in aghaidh na bliana ar mhaithe le maisiúchán agus sláintíocht. Is minic a bhíonn an péine i sean-phíosaí troscáin clúdaithe ag cótaí péinte.

• Claudia Kinmonth, Irish Country Furniture, 1700-1950, Yale University Press, London, New Haven, 1993

• Nicholas Loughnan, Irish Country Furniture, Irish Heritage Series no. 46, Eason & Son Ltd., Dublin, 1984

• John Teahan, Irish Furniture and Woodcraft, Country House in association with the National Museum of Ireland, Dublin, 1994

• Claudia Kinmonth, Irish Rural Interiors in Art, Yale University Press, London, New Haven, 2006

• The Knight of Glin & James Peil, Irish Furniture: Woodwork and Carving in Ireland from the Earliest Times to the Act of Union, Yale University Press, London, 2007

• David Shaw-Smith (Editor) Traditional Crafts of Ireland, Thames and Hudson, London, 2003.

• Ken Kilby, Coopers and Coopering, Shire Publications, 2004.   

Bhailigh Coimisiún Béaloideasa Éireann roinnt nithe sna 1930idí, ach fuarthas an chuid is mó de le linn “glanadh” na dtithe sna 1960idí. Fuarthas go leor píosaí eile ó bhailitheoirí príobháideacha ó na 1970idí go dtí na 1990idí.