Tá teacht ar gach cuid den Mhúsaem ó chathaoir rotha agus tá ardaitheoir ann chuig gach urlár sna gailearaithe taispeántais.
Geata an Mhúsaeim
- Geata amháin isteach atá ann, ó díreach lasmuigh de shráidbhaile Thurlaigh.
- Tá an carrchlós suite 250 méadar nó mar sin ón ngeata.
- Níl an teach mór agus gailearaithe an Mhúsaeim ach píosa beag ón gcarrchlós - tá comharthaí treo in airde sa charrchlós.
- Is féidir le cathaoireacha rotha dul isteach sa teach mór tríd an siopa bronntanas.
- Doras amháin atá ar ghailearaithe an Mhúsaeim, agus slí ann do chathaoireacha rotha.
Páirceáil
- Tá carrchlós mór ann, agus neart áiteanna ainmnithe do dhaoine faoi mhíchumas.
- Is féidir cairr a pháirceáil saor in aisce.
- Tá áiteanna tuirlingthe agus fillte díreach os comhair Theach Pháirc Thurlaigh do dhaoine atá ar bheagán gluaiseachta.
Áiseanna do dhaoine atá ar bheagán gluaiseachta
- Tá na gailearaithe taispeántais suite ar cheithre urlár. Tá ardaitheoir ina bhfuil slí do chathaoireacha rotha ar chúl phríomhghailearaithe an Mhúsaeim ar Leibhéal A. Tugann an t-ardaitheoir seo go ceithre urlár an Mhúsaeim thú.
- Tá leithris do chách i ngach ceann de na háiteanna seo: i nGailearaithe an Mhúsaeim ar leibhéal A (leibhéal an dorais isteach, gar don Deasc Eolais), agus ar leibhéal C (gar don Seomra Oideachais); i dTeach Pháirc Thurlaigh láimh leis an siopa bronntanas agus cinn eile láimh leis an gcaife.
- Is féidir stóilíní gluaisteacha a fháil ón deasc fáilte.
- Tá cathaoireacha rotha ar fáil ón deasc fáilte.
- Tá áiteanna suí i ngach ceann de na gailearaithe.
Áiseanna do dhaoine atá ar lagradharc
- Cuirfear fáilte roimh mhadraí treoracha agus madraí cúnta.
- Tá an soilsiú i dtaispeántais áirithe íseal go leor ar mhaithe le déantáin áirithe a chaomhnú.
- Tá déantáin sa Mhúsaem ar féidir lámh a chur orthu. Iarr ar bhall d'fhoireann an Mhúsaeim tú a threorú chucu siúd.
Áiseanna do dhaoine atá ar lag-éisteacht
-
Is dona linn nach bhfuil closchóras ionduchtúcháin ar fáil go fóill sa Mhúsaem