A mhúinteoirí, cuirigí tús le bhur Staidéar ar Shaotharlann an Zú Mhairbh le seisiún Fáilte agus Faisnéis! Bí ar an gcéad duine le cuairt a thabhairt ar Shaotharlann an Zú Mhairbh atá díreach oscailte i nDún Uí Choileáin. Cuir do thicéad in áirithe anois ionas nach mbeidh díomá ort!
An raibh tú riamh ag iarraidh a fháil amach cén chaoi a mbeadh sé a bheith i do sheasamh ag breathnú ar chnámharlach dódó nó a bheith in ann staidéar a dhéánamh ar chnámha iontaise fhia mór na mbeann? Is gearr go mbeidh a fhios ag do rang é!
Cuir tús le do chuairt ar Shaotharlann an Zú Mhairbh le seisiún gearr Fáilte agus Faisnéis (thart ar 15 nóiméad) le hOideachasóir de chuid an Mhúsaeim.
Áirítear san fháilte fhlaithiúil:
-
Seisiún beag eolais faoi Shaotharlann an Zú Mhairbh
-
Breathnóireacht faoi threoir ar na cairteacha láimhseála sa Chrios Fionnachtana laistigh de Shaotharlann an Zú Mhairbh
-
Deis ceisteanna a chur agus fiosracht a spreagadh
Nuair a bheidh an Fáilte agus Faisnéis thart, beidh deis ag do chuid daltaí Saotharlann an Zú Mhairbh a fhiosrú agus úsáid á baint acu as bileog don ghníomhaíocht chruthaitheach, agus beidh Oideachasóir an Mhúsaeim ar fáil i rith an ama lena gcuid ceisteanna móra ar fad a fhreagairt. Críochnóidh an chuairt ar ais sa Chrios Fionnachtana áit a ndéanfaidh na daltaí cur síos ar a gcuid torthaí agus a roinnfidh siad roinnt samplaí dá léirithe cruthaitheacha d’ainmhithe.
Sracfhéachaint ar an seisiún Fáilte agus Faisnéis ar an láthair:
Leibhéal: Rang 1 – Rang 6
Tréimhse ama: 45 nóiméad (lena n-áirítear an seisiún Fáilte agus Faisnéis agus am le bheith i mbun taiscéalaíochta)
Acmhainn: Rang amháin in aghaidh an tseisiúin
Ar fáil: Dé hAoine 6 Márta agus Déardaoin 12 Márta
Amanna: 10:30rn & 11.45rn
Inrochtaineacht: Oiriúnach do chathaoireacha rothaí. Má tá aon chúis imní ag do ghrúpa nó aon riachtanais bhreise ann a bhaineann le rochtain, cuir é seo in iúl d'fhoireann Áirithintí an Mhúsaeim roimh ré.
Cur síos: Cuir tús le do chuairt ar Shaotharlann an Zú Mhairbh le seisiún gearr Fáilte agus Faisnéis le hOideachasóir de chuid an Mhúsaeim. Beidh deis ina dhiaidh sin ag do chuid daltaí Saotharlann an Zú Mhairbh a fhiosrú agus úsáid á baint acu as bileog don ghníomhaíocht chruthaitheach, agus beidh Oideachasóir an Mhúsaeim ar fáil i rith an ama lena gcuid ceisteanna móra ar fad a fhreagairt. San áireamh tá scrúdú gar-amhairc ar na bailiúcháin láimhseála sa Chrios Fionnachtana e.g. fíor-iontaisí agus iontaisí macasamhla, fionnaidh agus blaoscanna.
Chun do chuairt a chur in áirithe, cliceáil ar an gcnaipe thíos:
Cuir in áirithe é anois
Tabhair faoi deara: Go bhfanfaidh an múinteoir leis an rang ar feadh thréimhse na cuairte.
Naisc leis an gCuraclam
OSSE – Eolaíocht (Curaclam na Bunscoile)
-
Dúil Bheo: Ainmhithe éagsúla agus a dtréithe a aithint agus staidéar a dhéanamh orthu
-
Feasacht agus Cúram Comhshaoil: Léirthuiscint a fháil ar éagsúlacht na beatha agus ar thábhacht an chaomhnaithe
-
Ag obair go heolaíoch: Ag breathnú, ag ceistiú, ag tuar agus ag clárú torthaí
Na hAmharcealaíona
-
Líníocht: Iniúchadh a dhéanamh ar chruth, foirm agus uigeacht eiseamail de chuid stair an dúlra agus freagairt dóibh
-
Ag breathnú agus ag freagairt: A gcuid oibre féin agus obair a dhéanann daoine eile a phlé agus machnamh a dhéanamh orthu
Ag cruthú: Úsáid a bhaint as an tsamhlaíocht agus as an mbreathnóireacht chun léirithe eispriseacha d’ainmhithe a chruthú
Torthaí Foghlama
I ndiaidh dóibh a bheith rannpháirteach sa seisiún seo, beidh sé ar chumas na ndaltaí:
-
Scileanna breathnóireachta agus fiosrúcháin a fhorbairt trí bheith ag plé go praiticiúil le réada músaeim
-
Iniúchadh a dhéanamh ar choincheapa bithéagsúlachta, díothaithe agus oiriúnuithe ainmhithe
-
A dtuiscint a chur in iúl go cruthaitheach trí líníocht agus plé
Páirt a ghlacadh sa bhfoghlaim chomhoibríoch agus sa gceistiú i suíomh músaeim
Sula dtagann tú ar cuairt
Réitigh do rang don chuairt ar Shaotharlann an Zú Mhairbh. Tabhair léargas do na daltaí ar a mbeidh le feiceáil acu nó pléigh an Músaem roimh an gcuairt. Déan iarracht, más féidir leat, cuairt a thabhairt ar Shaotharlann an Zú Mhairbh i nDún Uí Choileáin tú féin roimh ré.
Tabhair cuairt ar an leathanach Saotharlann an Zú Mhairbh ar ár suíomh Gréasáin chun tuilleadh a fháil amach faoin spás nua spreagúil seo!
Is samplaí den tseitheadóireacht iad go leor de na hainmhithe atá le feiceáil i Saotharlann an Zú Mhairbh. Más mian leat ábhar na seitheadóireachta a phlé le do rang, tá físeáin ghearra againn a mhíníonn a bhfuil i gceist le seitheadóireacht agus an chaoi a ndéantar í. Molaimid an físeán is fearr a oireann do raon aoise do ranga a roghnú agus féachaint air roimh ré ionas go mbeidh tú réidh le haghaidh aon cheisteanna a d'fhéadfadh na daltaí a chur ort!
Físeáin ar a bhfuil i gceist leis an tSeitheadóireacht
Tar éis do chuairte
Smaointe maidir le gníomhaíochtaí tar éis na cuairte:
-
Íoslódáil acmhainní ón Músaem sa Seomra Ranga ar nós na Cuardaigh Focal Séasúracha. Tá siad ar fáil freisin i nGaeilge.
-
Iarr ar na daltaí tionscadal a bhunú ar an ainmhí is fearr leo atá díothaithe anois. Breathnaigh ar sheinnliosta d'fhíseáin ghearra faoi ainmhithe atá díothaithe sa Mhúsaem chun inspioráid a fháil!
-
An mbraitheann tú uait Ard-Mhúsaem na hÉireann, i Sráid Mhuirfean ar a dtugtar Saotharlann an Zú Mhairbh chomh maith? D’fhéadfá do chuid daltaí a thabhairt ar thuras fíorúil 3D de Shaotharlann an Zú Mhairbh chun seanchuimhní a thabhairt ar ais agus na sean-iarsmaí a raibh an-tóir orthu a fheiceáil, mar shampla an liamhán gréine, cnámharlaigh míolta móra agus go leor eile.