An ndearna tú iontas riamh de na cineálacha ainmhithe ársa a bhí ar leac an dorais againn na mílte bliain ó shin? Sa ghníomhaíocht Músaeim seo, déanfaimid iniúchadh ar Oighearaois na hÉireann, foghlaimeoimid faoi iontaisí i mbailiúchán an Mhúsaeim agus faoi na cineálacha éagsúla ainmhithe a bhí ina gcónaí anseo san am a chuaigh thart.
Íoslódáil agus priontáil na bileoga gníomhaíochta seo le foghlaim faoi na hiontaisí éagsúla den Oighearaois in Éirinn. Taispeánfaidh na léarscáileanna duit cad iad na hiontaisí a fuarthas i do chontae. Is féidir leat do scileanna a thástáil trí na gníomhaíochtaí, na puzail agus an cuardach focal a dhéanamh.
In Amharc Amháin:
Leibhéal: Rang 3-6
Leagan amach: Is gníomhaíocht don seomra ranga í seo
Fad ama: 30 nóim – uair an chloig
Cá bhfuil siad ar fáil: Ar líne agus féintreoraithe; Cliceáil ar na naisc thíos chun iad a íoslódáil.
Acmhainní
A mhúinteoirí, úsáid an ‘Foramharc ar an Oighearaois' agus an amlíne ar an gclár bán duit chun buneolas a thabhairt don rang.
-
Bileog Gníomhaíochta faoin Mamat Lomrach – Rianaigh do Ghníomhaíocht féin faoin Mhamat
-
Bileog Gníomhaíochta faoin Hiéana Breac – Cá bhfuil Cac an Hiéana Bhric?
-
Bileog Gníomhaíochta faoi Fhia Mór na mBeann – Cabhraigh leis an bhFia Mór Éalú as an Oighear
-
Bileog Gníomhaíochta faoin mBéar Donn – Faigh na Focail Oighearaoise sa Chuardach Focail
-
Bileog Gníomhaíochta faoin Mhactíre Liath - Ceangail na poncanna agus faigh an freagra
Naisc leis an gcuraclam
Eolaíocht OSIE
Imscrúdú agus trialacha
Eolas agus sonraí a bhailiú ó fhoinsí éagsúla
Rudaí beo
Beatha an duine; Beatha phlandúil agus beatha ainmhíoch
Feasacht agus cúram na timpeallachta
Feasacht ar an timpeallacht; An eolaíocht agus an timpeallacht; Cúram na timpeallachta
Torthaí Foghlama:
Ag deireadh na gníomhaíochta seo ba chóir go mbeadh na daltaí in ann:
-
An 'Oighearaois' a mhíniú agus cur síos a dhéanamh ar roinnt de na speicis ainmhithe a bhí beo ag am sin in Éirinn.
-
Féachaint ar iontaisí d’ainmhithe Éireannacha atá imithe in éag agus rá cá háit in Éirinn a bhfuarthas iad.
- Roinnt bileoga gníomhaíochta a dhéanamh -- puzailí ar théama, cuardach focal agus líníochtaí.
