D'oscail Éamon De Valera an chéad ‘Seomra Cuimhneacháin Augusta Bender d'Ealaín an Chianoirthir’ ag Ard-Mhúsaem na hÉireann a bhí curtha le chéile ag an mbróicéir árachais agus daonchara Gael-Mheiriceánach Albert Bender, ar an 25 Meitheamh 1934

An tábhacht a bhain le hÉamon De Valera a bheith ag freastal air

Toisc gurbh é Uachtarán na hArd-Chomhairle a rinne a leithéid d'oscailt oifigiúil léiríonn sé seo cé chomh tábhachtach is a ceapadh faoi thabhartais Albert Bender don Mhúsaem.

Scríobh stiúrthóir an mhúsaeim a bhí ann ag an am, An Dr. Adolf Mahr, an óráid a thug De Valera an lá sin. Tugadh gach deis le béim a leagan ar an tábhacht a bhain le tabharthóirí a chothú in Éirinn nua neamhspleách, agus le hábhar na hÁise i gcomhthéacs oidhreacht an domhain.

Ócáid ollmhór shóisialta a bhí san oscailt ar ar fhreastail airí rialtais, ambasadóirí, státseirbhísigh shinsearacha agus cuid mhór d'intleachtóirí tábhachtacha Bhaile Átha Cliath.