Lampa an Chroí Ró-Naofa, 1960í
Is gné é lampa an Chroí Ró-Naofa sa teach traidisiúnta Caitliceach in Éirinn ón réabhlóid chráifeachta sa 19ú haois. Ba lampa ola i nglób beag dearg a bhí ann ar dtús, agus bhíodh sé crochta de ghnáth ar bhalla na cistine agus choinnítí é ag dó an t-am ar fad mar chomhartha cráifeachta. Prionta olltáirgthe de Chroí Ró-Naofa Íosa a bhíodh ann de ghnáth, agus bhíodh sé pearsantaithe corruair le hainmneacha an teaghlaigh. Bhíodh difríochtaí idir a méideanna agus a gcomhdhéanamh, ach bhíodh na lampaí suite de ghnáth ar bhrac nó ar sheilf, le tairiscint bláthanna corruair. Bhí an-tóir ar an dílseacht don Chroí Ró-Naofa in Éirinn roimh Vatacáin II, agus bhí roinnt comhbhráithreachas tiomnaithe dó.
Mar gheall ar an leictriú tuaithe, agus soilsiú níos prósaí, bhíothas ábalta lampa an Chroí Ró-Naofa a thiontú go leictreachas. Agus é ag dó de shíor gan idirghabháil, bhíodh roinnt lampaí, amhail an ceann seo, plugáilte isteach i soicéad in aice láimhe, agus bhíodh cinn eile sreangaithe go díreach isteach sa phríomhlíne.
Éist le Rosemary Connolly ag labhairt faoin bpróiseas a bhaineann le Lampa Croí Ró-Naofa a teaghlaigh a uasghrádú go leictreachas:
Agallamh á chur ag Geraldine O’Connor ar Rosemary Connolly i gCluain Eois, Contae Mhuineacháin, Feabhra 2017
Leagan an-nua-aimseartha de lampa an Chroí Ró-Naofa, tá an íomhá agus an lampa araon feistithe ar chúlchlár adhmaid. Bhíodh an lannán adhmad bréige agus an imeall óir tipiciúil i dtaobh istigh sna 1960í, agus tugann siad nuashonrú nua-aimseartha don lampa isteach sa 20ú haois.
