Cistin athchóirithe i Leitir Fraic
Sholáthair Bord Soláthair an Leictreachais (BSL) líon cistineacha agus tithe samplacha le linn na 1950í agus 1960í, mar chuid dá n-iarrachtaí leictriú tuaithe a chur chun cinn i measc mhná na hÉireann. Chuir siad táirgí leictreacha tí ar taispeáint, ach thaispeáint siad leagan amach réasúnach cistine feistithe nua-aimseartha chomh maith.
In 1956, chomhoibrigh BSL le Bantracht na Tíre (ICA), an Roinn Talmhaíochta agus Institiúid Ríoga Ailtirí na hÉireann chun cistin feirme a dhearadh agus a léiriú i Seó Earraigh Chumann Ríoga Bhaile Átha Cliath (RDS). Ba í an t-ailtire Eleanor Butler a dhear í agus bhí fearais agus ábhair nua-aimseartha comhcheangailte le leagan amach traidisiúnta inti, lena n-áirítear cistin, cúlchistin agus seomra suí. Nuair a dúnadh an taispeántas, suiteáladh an chistin i veain shoghluaiste agus tugadh ar camchuairt í ar fud na tíre ar feadh cúig bliana.
An chistin shamplach athchóirithe in Ard-Mhúsaem na hÉireann – Saol na Tuaithe, Iúil 2019. Íomhá: A bhuíochas do Joseph O’Brien
Ba é Phillip Carey, mac léinn na bliana deiridh i BSc (Hons) i nDearadh agus Déantúsaíocht Troscáin ag Institiúid Teicneolaíochta na Gaillimhe-Mhaigh Eo, campas Leitir Fraic a thóg atógáil chuid na cistine don taispeántas Kitchen Power.
Ba mhaith le hArd-Mhúsaem na hÉireann – Saol na Tuaithe buíochas a ghabháil le Phillip Carey, Paul Leamy, an Dr Marion McGarry, Dermot O’Donovan agus an Dr Susan Rogers, GMIT Leitir Fraic.
