Seo grúpa deonach a tarraingíodh le chéile de bharr a spéis mhór sa ghinealas.
Baineann an grúpa taitneamh as rath agus fadhbanna a bhaineann le taighde teaghlaigh a chomhroinnt le daoine eile agus trína gcuid taithí comhchoitinne agus a gcuid oibre bleachtaireachta is féidir leo lámh chúnta a thabhairt do thaighdeoirí eile.
Aidhmeanna an Ghrúpa
Chun cuidiú le taighdeoirí teaghlaigh nua agus le cinn atá ann cheana trí chomhairle a sholáthar maidir le stair an teaghlaigh, agus trí iad a threorú trí na hacmhainní ar féidir leo iad a úsáid sa leabharlann, ar an idirlín, srl.
Chun grúpa de dhaoine a bhfuil an dearcadh céanna acu a thabhairt le chéile d’fhonn a gcuid taithí ar thaighde a dhéanamh a chomhroinnt, agus b’fhéidir turais a dhéanamh le chéile d’fhonn taighde breise a dhéanamh.
Conas a bheith rannpháirteach
Cuireann Grúpa Ginealais Mhaigh Eo fáilte roimh bhaill an phobail a bhfuil spéis acu i níos mó a fháil amach faoi na céimeanna atá i gceist maidir le taighde a dhéanamh ar stair a dteaghlach.
Tabhair cuairt orainn ar an dara Satharn den mhí ag Ard-Mhúsaem na hÉireann – Saol na Tuaithe ó 11.30rn go 1in.
- Níl aon táille freastail ná áirithint riachtanach.
- Aimsigh an grúpa ar Facebook nó ar bhlag Ghrúpa Ginealais Mhaigh Eo
- Ríomhphost: mayogenealogygroup@gmail.com
Stair an Ghrúpa
Tá an grúpa ag bualadh le chéile ag Ard-Mhúsaem na hÉireann – Saol na Tuaithe ó 2012 agus ní amháin gur chuidigh siad le cuairteoirí ar an Músaem ach phléigh siad leis an oiread fiosrúchán trína leathanach Facebook.
Tionscadail
Bhí an grúpa rannpháirteach i roinnt tionscadal trí roinn oideachais an Mhúsaeim, ag cur le cainteanna, le seimineáir agus le tionscadail. I measc na mbuaicphointí dá gcuid tá a gcuid oibre do láithreán gréasáin Líonra Chartlann Pobail na hÉireann ag www.ouririshheritage.org agus do Thionscadal Mhuintir Mhaigh Eo 101.