Má tá tú ag teacht chugainn chun páirt a ghlacadh i gceardlann, turas nó imeacht ónár gclár do scoileanna, seo roinnt faisnéise faoi na saoráidí b’fhéidir gur mhaith leat iad a úsáid le linn do chuairte.
Cuairt Fhéinstiúrtha
Is féidir le do scoil taitneamh a bhaint as cuairt fhéinstiúrtha (turas ná gníomhaíocht ar bith). De ghnáth bíonn cuairteanna féinstiúrtha níos solúbtha chun a chur in áirithe ach TEASTAÍONN UAINN bheith ar an eolas go mbeidh sibh ag teacht! Déan teagmháil linn agus cuideoimid leat do thuras a eagrú. Tá dhá Sheomra Oideachais i nGailearaithe an Mhúsaeim agus is féidir iad a chur in áirithe roimh ré le húsáid agat le do rang.
Seomra Gníomhaíochta/Acmhainní
Seo an áit ina dtarlaíonn na ceardlanna. Aimsigh bileoga oibre, páipéar, criáin agus pinn luaidhe le húsáid.
Bailiúchán Láimhsithe
Bain taitneamh as eispéireas láimhsithe lenár mBailiúchán Láimhsithe – raon de réada ón ngnáthshaol fadó. Ó nead circe go pota gliomach, tá go leor le fáil amach.
Cairteacha Gníomhaíochta
Aimsigh raon d’ábhair inár gCairteacha Gníomhaíochta ata suite ar fud Ghailearaithe an Mhúsaeim, lena n-áirítear fáisc-chláir, pinn luaidhe, criáin agus bileoga gníomhaíochta.
Inrochtaineacht
Tá foirgnimh an Mhúsaeim inrochtana do chathaoireacha rothaí ina n-iomláine agus ardaitheoirí ann chuig gach leibhéal agus chuig seomraí scíthe inrochtana. Tá cathaoireacha rothaí ar fáil freisin ón bhFáiltiú.
Do ghrúpaí faoi mhíchumais éisteachta agus a bhfuil lagú amhairc orthu, is féidir leis an Músaem Córas Treoraithe Turais FM a sholáthar, leagan i gcló mór den turas ginearálta agus ábhair láimhsithe.
Seomra Cótaí
Tá saoráidí seomra cótaí ar fáil ag an bhFáiltiú. Ba cheart do leanaí a laghad bagáiste a thabhairt leo is féidir. Ba cheart do dhaoine sparáin agus nithe luachmhara a choinneáil leo le linn na cuairte.
Caifé
Tá rogha de mhargaí béile ar fáil ó chaifé an Mhúsaeim, lena n-áirítear rogha veigeatórach.
Chun faisnéis bhreise a fháil, déan teagmháil le Brambles Café ar +353 94 90 31744 nó le ríomhphost chuig maeve@brambles.ie
Saoráidí Lóin
Níl aon seomra lóin ag an Músaeim. Tá ollphuball ann, áfach, mar aon le limistéar picnice lasmuigh (ag brath ar an aimsir).
Uaireanta oscailte
Domhnach go Luan: 1in go 5in
Máirt go Satharn: 10rn go 5in
Dúnta Lá na Nollag agus Aoine an Chéasta