"Is cuimhin liom i gcónaí mo mháthair ag rá, “Táim sna flaithis, caithfidh go bhfuilim sna flaithis...de bhrí gur bhain sé an sclábhaíocht den obair dhian a bhí le déanamh ag daoineo." 
Maureen Gavan, faoi agallamh i mí Feabhra 2017- 

​Cuireadh an taispeántas seo i dtoll a chéile i gcomhpháirtíocht le Kingston University agus leis an Arts & Humanities Research Council (AHRC) agus le tacaíocht ón ESB, ón Irish Farmer’s Journal, ó Age & Opportunity, agus ó Institiúid Teicneolaíochta na Gaillimhe Mhaigh Eo i Leitir Fraic, agus is é an príomhtaispeántas sealadach a bheidh ag Ard-Mhúsaem na hÉireann - Saol na Tuaithe i mbliana.

Cuid den taispeántas is ea cuairteoirí a bhreith ar ais chuig am níos luaithe, trí dhéantáin agus fógraí na linne sin, samhail de chistin ESB/ICA ó na 1950í a thóg GMIT Leitir Fraic ar son an taispeántais, obair theicstíle a choimisiúnaigh Age & Opportunity agus scéalta ó na daoine ar chuir an t-athú mór seo cor nua ina saol féin an uair sin in Éirinn.

Gheofar tuilleadh eolais ar shuíomh gréasáin Electric Irish Homes agus tá tuilleadh eolais ar an tionscadal ealaíne teicstíle le fáil ar Our Irish Heritage.