Sa bhliain 2004 bhunaigh Ard-Mhúsaem na hÉireann agus Comhairle Ceardaíochta na hÉireann (ar tugadh an t-ainm nua Comhairle Dhearadh agus Cheardaíochta na hÉireann air i 2014), ciste comhcheannaigh chun míreanna a cheannach do bhailiúchán de cheardaíocht Éireannach na linne seo mar chuid de bhailiúcháin an mhúsaeim d'ealaíona maisiúla.

Tá rogha déantán a ceannaíodh leis an gciste seo ar taispeáint anois in Ard-Mhúsaem na hÉireann: Na hEalaíona Maisiúla agus Stair, agus áirítear ann samplaí de scoth na hÉireann sa chriadóireacht, sa ghloine, sa troscán, sa deileadóireacht, sa tseodóireacht, in oiriúintí agus in earraí airgid,

Is slí é bailiú na saothar comhaimseartha ardcháilíochta seo ó dhearthóirí-déantóirí na hÉireann don bhailiúchán náisiúnta déantáin ársa an lae amárach a chaomhnú do na glúinte atá romhainn.

Is é príomhluach an nós bailithe seo tábhacht amhairc na ndéantán féin a ceannaíodh ar son mhuintir na hÉireann agus caomhnú na scileanna lena ndéantar iad.

Tá an taispeántas 'Ceardaíocht Éireannach na 21ú hAoise', a cuireadh ar fáil ar dtús in 2011, curtha ar fáil againn arís chun bailiúchán an chiste chomhcheannaigh NMI/DCCOI a léiriú. Tá nuashonrú déanta ar an taispeántas chun roinnt rudaí a fuarthas le déanaí leis an gciste a áireamh ann.