Is beag ealaíontóir eile san Eoraip a ghabhann don obair chéanna agus atá idir lámha ag Alison Lowry ina tráchtaireacht trí mheán na gloine ar thopaicí míshuaimhneacha ar nós mí-úsáid leanaí agus foréigean teaghlaigh.

Tá obair den sórt céanna idir lámha ag ealaíontóirí eile i meáin eile, go háirithe sa phéintéireacht, ach níl aon ealaíontóir gloine eile ann a shíneann méar chomh héifeachtach céanna ar thorthaí polaitiúla, sóisialta agus mothúchánacha na gcineálacha imeachtaí atá roghnaithe ag Alison Lowry. 

Ceithre chuid atá sa taispeántas seo de shaothar Alison Lowry - suiteáil d’éadaí baiste  pâte de verre gaineamhtheilgthe ar crochadh, saothair dealbhóireachta ar théama na Neachtlann Maigdiléana, píosa físeáin a rinne an taibhealaíontóir Jayne Charry agus culaith chatha déanta as gloine agus leathair a cruthaíodh i gcomhar leis an dearthóir Úna Burke, a bhfuil cáil idirnáisiúnta uirthi.