Is crios idirghníomhach uathúil, arna dhearadh go speisialta, Caibinéad na nIontas arna spreagadh ag ‘caibinéid ábhar iontais’ ón ré Victeoiriach.
Leis an spás, ligtear do chuairteoirí dul an-ghar do raon de na samplaí agus macasamhlacha de shamplaí agus réada, agus i gcásanna áirithe iad a bhrath agus lámha a chur orthu.
Áirítear le buaicphointí Chaibinéid na nIontas:
- Cnámh géill iontaisithe ó hiéna breac - féach iontaise fíor an-ghar a fuarthas in uaimh in Éirinn
- Cloigeann ó hiéna breac - Braith cloigeann hiéna agus féach ar a chuid fiacla géara agus cnámh géill chumhachtach shuntasach
- Iontaise binne ó Fhia Mór na mBeann (Megaloceros giganteus) - rinneadh Fianna Móra na mBeann a dhíothú in Éirinn níos mó ná 10,500 bliain ó shin agus is féidir leat a gcnámharlaigh iontaise fíora a fheiceáil ar taispeántas ag an Músaem i Seomra na hÉireann. Tá iontaise binne fíor i gCaibinéad na nIontas atá na mílte bliain d’aois agus is féidir leat é a bhrath
- Turtar Ceannramhar - Fuarthas an turtar aosach seo ar thrá i nDroichead an Chláirín, Co. na Gaillimhe. Itheann na turtair sin ainmhithe, amhail smugairlí róin gealaí, de réir mar a dhéanann siad imirce tríd an Aigéan Atlantach
- Fabhcún Gorm - Is é an an t-éan creiche seo an rud is gasta atá beo ar an Domhan agus is féidir leis luasanna de 250 km in aghaidh na huaire a bhaint amach agus é sa tóir ar a chreach. Tabhair cuairt ar Chaibinéad na nIontas chun fáil amach an rud ar a bhfuil an Fabhcún Gorm sa tóir!
- Limistéar Láimhsithe Muirí - Braith fiacail ollmhór siorca iontaise, cloigeann róin agus cnámh géill siorca ag Caibinéad na nIontas (fiacail siorca Megalodon, cloigeann róin chuain (macasamhail) agus cnámh géill siorca thíograigh - is macasamhlacha iad uile)
- Is féidir le cuairteoirí creachadóirí fiáine agus creach a fheiceáil a chónaíonn in Éirinn amhail sionnach ina chodladh, easóg ocrach, luchóg i bhfolach agus francach donn.
Mar gheall ar dhearadh cliste Chaibinéad na nIontas is spás é freisin ina mbíonn imeachtaí oideachasúla agus ceardlanna ar siúl, agus teilgeoirí, scáileáin agus micreascóip ann.
Rinneadh Caibinéad na nIontas a dhearadh ag AP+E (ailtirí) agus a thógáil ag Chris White ó Acrewood, agus rinne Detail Design Studio an obair dearaidh ghrafaigh.
Forbraíodh Caibinéad na nIontas le tacaíocht ón Roinn Cultúir, Oidhreachta agus Gaeltachta.