Tógadh foirgneamh Ard-Mhúsaem na hÉireann - Stair an Dúlra in 1856, agus is déantán álainn Victeoiriach ann féin é.
'Músaem de mhúsaem' a thugtar ar an músaem seo uaireanta, agus is ann a gheofar taispeántas leathan cuimsitheach zú-eolaíochta ina bhfuil os cionn 10,000 taispeántán. Féadfaidh cuairteoirí eolas a chur ar mhamaigh, éin, éisc agus feithidí na hÉireann, agus ar mhamaigh ó gach cearn den domhan. Saorchead isteach.
I measc na nithe is suaithinsí tá cnámharlach d'fhia mór na mbeann, atá díofa anois, agus de chearbhán atá ar crochadh ón tsíleáil. Is maith an t-ainm 'Cófra na nIontas' ar an gcófra inar féidir le cuairteoirí lámh a chur ar dhéantáin áirithe.
Cuireann an músaem clár ceardlann, cainteanna agus turas ar fáil ó cheann ceannn na bliana, don uile aoisghrúpa.
Tá caifé agus siopa bronntanas ar fáil sa mhúsaem seo.