3 Márta 2022 : Féile stair na ndaoine LADTA+ á ceiliúradh ag institiúidí cultúrtha Éireannacha
Tá Outing the Past ar ais, níos mó agus níos fearr, níos iontaí ná riamh!
Cuirfidh gailearaithe, músaeim, leabharlanna agus cartlanna ar fud na hÉireann OUTing the Past 2022 i láthair: Féile Idirnáisiúnta Stair na nDaoine Leispiacha, Aeracha, Déghnéasacha, Trasinscneacha agus Idirghnéasacha, ceiliúradh spreagúil d’imeachtaí, cainteanna, seimineáir ghréasáin agus ceardlanna a bheidh ar siúl ón 18 Márta 2022 go 10 Aibreán 2022.
I gceann ceithre bliana, d’fhás an fhéile thábhachtach seo, trína bhféachtar le hardán a thabhairt do stair LADTA+ ar tugadh neamhaird orthu roimhe seo, ó imeacht beag pobail i mBéal Feirste go comhoibriú ar fud an oileáin in 2022. Ó Bhaile Átha Cliath go Doire agus ó Chill Chainnigh go Maigh Eo, tugann clár na bliana seo lucht acadúil, gníomhaithe agus éagsúlacht shaibhir an phobail LADTA+ le chéile, agus tugann sé cuireadh duit a bheith rannpháirteach trí imeachtaí ar líne agus imeachtaí i measc daoine.
“Agus an oiread sin institiúidí ag óstáil agus ag eagrú imeachtaí ar fud na hÉireann, tá borradh mór tagtha ar OTP ar fud na hÉireann ó d’eagraigh Cara-Friend an chéad mhol ar an oileán i mBéal Feirste ag Músaem Uladh. Beidh na scórtha, nó fiú na céadta, daoine LADTA+ ag labhairt mar chuid d’fhéile 2022 agus tá ról mór ag eagraíochtaí carthanachta LADTA+ ar leibhéal áitiúil in eagrú na mol féile” a dúirt Adam Murray ó Cara-Friend, an grúpa tacaíochta LADTA+ atá lonnaithe i dTuaisceart Éireann.
Ón bpolaitíocht a tharlaíonn sa chúlra go dtí daoine atá ar iarraidh in albam grianghraf teaghlaigh; ó shaol agus oidhreacht na n-ealaíontóirí aiteacha go dtí ionadaíocht an phobail LADTA+ ar an teilifís, leanann an Fhéile OUTing the Past ag roinnt agus ag iniúchadh stair LADTA+ a ndearnadh faillí iontu roimhe seo.
Agus é ag díriú ar a riachtanaí atá sé stair LADTA+ a roinnt agus a iniúchadh, chuir Brian Crowley, coimeádaí Phríosún Chill Mhaighneann, in iúl go bhfuil sé “thar a bheith sásta go n-óstálfaidh an Príosún an chéad imeacht i bhFéile OUTing the Past 2022. Tionscnamh an-tábhachtach í an Fhéile a thugann aghaidh ar scriosadh stairiúil saolta LADTA+ agus a thugann cuireadh don phobal scéalta a bhí i bhfolach nó a diúltaíodh san am a chuaigh thart a fhiosrú.”
“Tá lúcháir ar Ghailearaí Butler trí imeacht a léiriú ag Féile OUTing the Past den chéad uair in 2022. Is samhail spreagúil comhoibrithe í an fhéile idir músaeim agus gailearaithe a cheiliúrann agus a thugann léargas ar stair shaibhir phobail LADTA+. Is cuid dár n-oidhreacht i bpáirt é seo agus tá Gailearaí de Buitléir buíoch as a bheith mar chuid den nóiméad poiblí seo trí OUTing the Past.’’ Hollie Kearns, Coimeádaí Foghlama agus Rannpháirtíochta Poiblí ag Gailearaí de Buitléir
Agus 15 institiúid chultúrtha chomhpháirtíochta, ó cheithre chúige na hÉireann, ag glacadh páirte inti, déanann féile na bliana seo ionadaíocht ar phobail LADTA+ ar fud an oileáin.
A bhuí le tacaíocht leanúnach ó dhaoine aonair agus eagraíochtaí LADTA+, maireann an rath ar fhéile OUTing the Past agus tá na heagraithe an-bhuíoch de na rannpháirtithe uile idir shean agus nua a oibríonn go dian chun go mbeidh an fhéile bainteach le hábhar i gcónaí.
Reáchtálfar an clár cainteanna, ina leagfar béim ar phríomh-chuimhneacháin i stair LADTA+, ag níos mó ná 15 institiúid ar fud na hÉireann le go leor imeachtaí ar líne agus imeachtaí i measc daoine.
Rithfidh OUTing the Past 2022 ón 18 Márta 2022 go dtí an 10 Aibreán 2022.
Níl aon táille ar chead isteach. Is gá áit a chur in áirithe ag imeachtaí áirithe, gheofar sonraí ar www.museum.ie.
ENDS
Teagmhálaí Meán:
Brian Houlihan, Ard-Mhúsaem na hÉireann, R: bhoulihan@museum.ie
Liostuithe:
Príosún Chill Mhaighneann: Dé hAoine 18 Márta (i measc daoine & ar líne)
Músaem Uladh: Dé Sathairn 19 Márta (i measc daoine)
PRONI: Dé Domhnaigh 20 Márta (ar líne)
IMMA: Dé Céadaoin 23 Márta (i measc daoine)
Gailearaí de Buitléir: Déardaoin 24 Márta (ar líne)
IMMA: Dé hAoine 25 Márta (i measc daoine)
Dánlann Náisiúnta na hÉireann: Dé Sathairn 26 Márta (i measc daoine & ar líne)
Gailearaí de Buitléir: Dé Domhnaigh 27 Márta (ar líne)
IMMA: Dé Céadaoin 30 Márta (i measc daoine)
Músaem Beag Bhaile Átha Cliath: Déardaoin 31 Márta (ar líne)
Gailearaí Hugh Lane: Dé hAoine 1 Aibreán agus Dé Sathairn 2 Aibreán (i measc daoine)
Ard-Mhúsaem na hÉireann – Saol na Tuaithe Dé Domhnaigh 3 Aibreán (i measc daoine & ar líne)
Ard-Mhúsaem na hÉireann – Ealaíona Maisiúla & Stair Dé Domhnaigh 3 Aibreán (i measc daoine)
IMMA: Dé Luain 4 Aibreán (eisiúint podchraolta)
Leabharlann Náisiúnta na hÉireann Dé Luain 4 Aibreán (ar líne)
EPIC Músaem Imirce na hÉireann: Dé Máirt 5 Aibreán (ar líne)
Chester Beatty: Dé Céadaoin 6 Aibreán (ar líne)
Ard-Mhúsaem na hÉireann – Ealaíona Maisiúla & Stair Déardaoin 7 Aibreán (ar líne)
Crawford Art Gallery: Dé hAoine 8 Aibreán (ar líne)
Músaem Dhoire Shaor Dé Sathairn 9 Aibreán (i measc daoine)
Gailearaí de Buitléir: Dé Domhnaigh 10 Aibreán (ar líne)
Nótaí d’Eagarthóirí:
Mar gheall ar OUTing the Past:
OUTing the Past: Is ceiliúradh idirnáisiúnta é Féilte Idirnáisiúnta Stair Daoine Leispiacha Aeracha Déghnéasacha, Trasinscneacha agus Aiteacha a chuimsíonn imeachtaí i rith na bliana agus ar fud an domhain, agus comhdháil agus cruinniú uair sa bhliain d'acadóirí agus do ghníomhaithe i mí Feabhra, Márta agus Aibreán. Tuilleadh eolais ag outingthepast.com.