Is san Ard-Mhúsaem - Seandálaíocht a choinnítear seoda neamhghnácha ríluachmhara ar nós Chailís Ardach, Dealg na Teamhrach agus Taisce Dhoire na bhFlann.
Is féidir le cuairteoirí súil a chaitheamh ar dhéantáin seandálaíochta ó Éirinn Réamhstairiúil amach go dtí Ré Ársa na hÉigipte, ó idir 7000 R.Ch. suas go dtí an 20ú haois. Saorchead isteach.
Áirítear ar na seoda is tábhachtaí na 'coirp phortaigh' a bhfuil cáil orthu ar fud an domhain, taispeántas d'ór Éireannach réamhstairiúil, agus an roinn den taispeántas ina ndírítear ar shaltair Éireannach ón mheánaois luath ar a dtugtar Saltair an Fheadáin Mhóir.
Cuireann an músaem clár ceardlann, cainteanna agus turas ar fáil ó cheann ceannn na bliana, don uile aoisghrúpa, mar aon le clár taispeántas sealadach ar théamaí stairiúla agus comhaimseartha.
Tá caifé agus siopa bronntanas ar fáil sa mhúsaem seo.