Lusca, Co. Bhaile Átha Cliath, 1943: Líníochtaí Ailtireachta agus Pictiúir Uiscedhatha de Thithe Traidisiúnta

Contae Bhaile Átha Cliath, Lusca - Plean, codanna an tí, aghaidhchló thoir theas de lochtán tithe agus ceárta

John Burke agus Barbara Tobias a thomhais agus a línigh, 1943. Clár uiscedhatha, peann luaidhe, uiscedhath. Airde 480mm, Leithead 665mm. Líníodh é ar scála inarbh ionann orlach amháin agus ceithre troithe.

Ar taispeáint anseo tá ró gairid a bhfuil péire tithe ceann tuí leathscoite dhá sheomra agus ceárta gabha. Tá na doirse isteach neamhghnách. Síneann an balla ursaine cois teallaigh i lár an tí amach chun balla dealaithe gearr a chruthú laistigh den chistin. Tá balla cuartha ar fáil sa teach eile a chruthaíonn slí isteach dorchla chun na cistine. Níl ceachtar acu seo ar aon dul leis na slite isteach dhíreach nó forsheomra a bhíodh ní ba choitianta. Tá neart troscáin ar fáil sna tithe, ina measc tá boird, cathaoireacha agus leapacha agus tá altóir ann i gceann amháin acu. Sa cheárta, tá boilg an ghabha, inneoin, agus teallach simléir brící ar taispeáint freisin. Tá na boilg ar taispeáint de réir plean agus coda.